იაპონიაში მიწისძვრას ათასობით ადამიანი ემსხვერპლა, - ამის შესახებ არაოფიციალურ ინფორმაციას უცხოური სააგენტოები იმ ვიდეომასალებზე დაყრდნობით ავრცელებენ, რომლებიც მიწისძვრის შემდეგ ვრცელდება.
რამდენიმე ხნის წინ იაპონიის აღმოსავლეთ სანაპიროსთან 300-მდე ცხედარი იპოვეს. ცუნამის შედეგად წყლით სრულად დაიფარა გემი, რომელზეც ასობით მგზავრი იმყოფებოდა. იაპონიაში ცუნამი ძლიერმა მიწისძვრამ გამოიწვია.
იაპონიაში დღეს 8.9 მაგნიტუდის სიმძლავრის მიწისძვრა მოხდა. ეპიცენტრი ტოკიოს ჩრდილო-აღმოსავლეთით, 373 კილომეტრის მოშორებით დაფიქსირდა. მიწისძვრამ ცუნამი გამოიწვია. ტალღების სიმაღლემ 10 მეტრს მიაღწია. მიწისძვრას ნგრევა და მსხვერპლი მოჰყვა.
